مساحة إعلانية
كتب : حمدين بدوى
أول ما شوفت صورتها وهي ساجدة والعلم على كتفها ودموع الفرحة نازلة على خدها قلبي اتنفض من الفرحة، ميار محمد عثمان اللي عندها ١١ سنة من برج البرلس بكفر الشيخ قدرت تلفت الأنظار في دبي وتفوز بالمركز الأول في تحدي القراءة العربي في نسخته العاشرة من بين ٤٠ مليون طالب من ٦٠ دولة.
البنت البسيطة دي من مدرسة حكومية قرأت ٧٠ كتابا ولخصتهم بأسلوبها وفهمت أفكارهم ووقفت قدام حاكم دبي الشيخ محمد بن راشد اللي سلمها الجايزة بنفسه عشان صورتها وهي بتبكي تلف العالم وتثبت إن الحلم الحقيقي بيبدأ بكتاب وأن الإجتهاد بيوصل مهما كانت البداية بسيطة.
ربنا يحفظها ويبارك في أهلها ومدرستها ودايماً ترفع راس مصر لفوق.
مساحة إعلانية
