مساحة إعلانية
مساحة إعلانية
أحلام براح
طارت لحضن السما..
غنت
خدتني معاها لنجومها
تِمنِّي القلب بالفرحة
وترقص لي
وغماية تلاعبني
ولمَّا امسكها بالكف اللي متحنِّي
وألضمها
في خيط واصل شراييني
تقول والصدق في عينيها
هاخلي القلب مِتهنِّي
وازيح عتمة سنين طالت
يعود يضوِي كما اللؤلؤ
ما هو قلبك دا قلب حرير
راح اخده واطير
واشيله جوة في النني
..
سرحت بعيييد
مع أنغام لعود يطرب
بيتباهى بجمال فنه
وبالأوتار
لقيته قال:
هاقول لك سر..
من فترة أنا مخبيه
هناك عاشق
بقلب عليل فضل سهران
وبيغني
يناجي الليل
وصوته حزين
وحزنه بجد آلمني
...............
صحيت على صوت كما الجِنِّي
من الفزعة
زعقت وقلت: مش عاشق
دا هو اللي خلف ظني
.................
غريب يا زمان
بقى اللي بيبكي من حبي
يكون هو اللي كاسرني
مساحة إعلانية
مساحة إعلانية
