مساحة إعلانية
الموت بياجى
بدون مواعيد
الحزن بيعيد
السكه م الأول
ليه حلمنا طول
معادش يتمشي
على الكورنيش
معاد ... ملقيش
السكه يا اشرف
مبتخبيش ...
الحزن خيش
الوجع
الحزن هب ورجع
ولا عدش فيه ريحة
قلق ...
الحزن مره انطلق
ولا عدش فيه ريحة مرق
ولا ضحكه ولا حواديت
احزن يا توت
احزنى يابيوت
الحزن مفلوت ع البيوت
ملكوت
وان جيت افوت
انده مبتردش
ارسم غيطان الحزن
ف عنيك
سكه ما بتوديش
انده وما تجيش
ولا تسمع سكتى
يمك
الحزن دمك
الحزن لافف خطوته
ف همك
مين اللى قلك
امشى وروح لبعيد
مين اللى قلك
خلاص ...
قرب هلال العيد
مين اللى قلك امشى
وسيب الحزن جوانا
بدون مواعيد
مساحة إعلانية
