مساحة إعلانية
مساحة إعلانية
( فى وداع الشاعر الراحل عبدالحميد أحمد على )
(مفتتح جامح)
بركان ياربي
في الحشا ماضي
ماضي يفتش
في فراغ فاضي
لا مصارين ولا قلب
بس الوداع قاضي
(مفتتح تاني)
يارب الحزن كان واتق
ومخلوفة ربطة الأحلام
وواسق الطن
سهاني وراح فاتق
(نص الرسالة)
يا طيف رهيف كان
هنا بيزاول الفرحة
يا عروسة واتجملي
يا زاينة الطرحة
لقيت الوطن مغلوب
وجتته سارحه
انت المراد يا وله
ولا كل الولاد زيك
يا عبدالحميد حنيت
اتملا مكان ضيك
وصى الولاد على قلب
بيقولك ازيك
كله يروح وانا
هألقى مين زيك ؟
(فضفضة أولى)
عبد الحميد احمد على
لفت وأنا ماشى باتلفت
انفلت عقد التصافي
وجه أوان بنجافي ونولي
لفت اضحك يا متهتك
انفلت حنيني إليك
والجوف كما صخر متفتت
ملعون ابوه الشعر
ملعونة المشاعر
لو كله متزفت
الدنيا فانية
طب سيبلي ثانية
احضنك فيها
الدنيا فانية
والعمر فاني بكل الأماني
وكل من فيها
تقدر تداوي داويها
مكتوب الوداع
طب سيب اتساع
أستوعب اللوعة
هاجيلك يا أحلى جيلك
طلعت وراك البيوت
وطعم الشوارع فى البيوت
لما القمر بيموت
طب هات من الآخر
حبوك يا عشق أبوك
يا أكبر اخواتك
(فضفضة تانية)
حط القلم
ومصلاية الصلا
لمس كلام ربنا وارتاح
راح لمولى في براح
كان صياحة شعر
كان طيب ، تقول مخلوق للسماح
مات عبدالحميد وارتاح
(فضفضة تالته)
ما دايم يا رفيق دربي
غير رحمته هو
موجوع على الآخر
ومن جوه
مش جوانا كان واحد
واقول صاحبي اهو هوى
وصي ابنك
مش تكة المفتاح وراك
ده يعني
اني ابيعك او تبعني
طول عمري معاك
طول عمري مبايعك
وانت مبايعينى
قلبي تاعبنى
زمن الشوارع راعبني
مشي العصاري بدونك
واجعني
ياااااه
انا كلي تاه
حتى الأنين عبى البلد
مع السلامة يا عبدالحميد
يا أحلى واحد في البلد
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
