مساحة إعلانية
مساحة إعلانية
* في ذمة الله الحبيب لقلبي الشاعر الكبير جمال الشيمي
مع ألف سلامه يا ( جيمي )
يا ( شيمي )
يا اللي بتفتح حضنك للأحباب
ولا عُمر بتقفل باب
لسَّه ف سيرتك كُنت قريِّب
يا حبيِّب
مع خلَّك ( عادل الطيِّب )
وفضل يحكي علي حفاوتك
والكرم اللي ف كفَّك
وما كفَّانا كتاب
دايماً ضحكان
وما تعرف أحزان
ولا يوم بتحوِّش
أو بتدارى العنوان
ولا حتي الدنيا في بالَك
أو كان ليها حساب
تعرف يا ( جمال )
الكل بيرثيك
وبيبكيك
وما يكفِّيك
ولا يوفِّيك
ما أنت يا ( جيمي ) كُنت مسامح
ولا تفتح في عتاب
كل اللي بيقصد دارك
يعرف مقدارك
والكرم اللي يدور في مدارك
والقلب الصافي لما بتنوى هزارك
ما أنت يا ( جيمي ) فاتحها ضيافه
ولا تبخل
ولا تنتظر الشُكر جواب
رحمه ونور يا ( جيمي )
يا ( شيمي )
يا اللي ف دفتر قلبنا حاضر
جوَّه ف روحنا ما كُنت غياب
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
