مساحة إعلانية
*في رثاء الصديق الشاعر اشرف البولاقي
ومشيت ونسيت حتى تودع
وانا قلت مسيرك يوم ترجع
دي الدنيا في بعدك يا بولاقي
احزان ودموع نارها بتوجع
صدري كان حابس أنفاسه
لو مره وباح الكون يولع
زفرات من نار
نمرود جبار
لكن قدام الموت يركع
قلبك كان عاشق للدنيا
ومليان افراح
وعبورك للدنيا التانية
كان حلم براح
بتحب تعيش
من خلف الشيش
وتطل على الدنيا الأوسع
قال ايه انعيك
وانا جاي ارثيك
يا بولاقي ازاي وانت ممتش
دا انا مستنيك
وبقولها بصوتي الحياني انت ممتش
دا انا بيني وبينك يا ابو مازن مليون ذكرى
فاكر ما نسيتش
ارثيك ازاي
يا ابو هند الدنيا بحالها تغور
وانت اللي تعيش
مساحة إعلانية
