مساحة إعلانية
صندوق ورق
وقلب رافض يتحرق
فوق الطرق
وكان قلبك كان نبق
كام حلم جواكى اتسرق
كام قلب جواكى اتسلق
كام غنوه جتلك
من أرق
صندوق ورق
وكأنه رامح وانطلق
بره الخلق
ربك خلق
من معجزات
وان جيت ابات
ارسم على اديكى البنات
سكر نبات
بره الحديت
وان كنت جيت
اهمس لقلبك و اوعدك
بره الحديت
وانا ان نويت
جوه الحسين والسيده
وعلى قد ما اتمنيت
صليت ...
وقريت بصورة الفلق
من شر قلبك لو سرق
حلم الورق
مش هيه ديه غنوتك
ولا انتى لسه بقسوتك
يا مشربانى قسوتك
أنا كنت لسه بلمحك
غنوة وداع
وان قلبي باع
ملقتش غير
الفين دراع
متحوشين وقت الضياع
وان قلبي ساع
ارمح والاقى خطوتك
وبدون خداع
يا مشربانى قسوتك
وقت أما باع
مساحة إعلانية
