مساحة إعلانية
مساحة إعلانية
الذكرى الثامنة لرحيل محمود مغربى
في الثالث من سبتمبر 2023م تحل الذكرى الثامنة لرحيل الشاعر الانسان محمود مغربى الذى رحل عام 2015م
عن عمر ناهز الثالثة والخمسين وبمناسبة هذه الذكرى ننشر بعض القصائد التي كتبت في رثاء شاعرنا الراحل
عام 2015م
فاكر يا ( مغربي ) قصيدة ( جنازتي )
الشاعر / محمود الحبكى
جنازتي لما شوفتها جاني إكتئاب
فين الصحاب
فين اللي كان بيني وبينهم
عيش وملح
ودمنا سال في التراب
شايليني ناس ما بيعرفوش
إني فلان
لكنهم شايليني علشان الثواب
بيشيعوني مرغمين
مستعجلين
يتكلموا ف ( كوره )
ف ( سياسه )
ف ( مصلحه )
تنزل ستاره ع الحساب
هو اللي مات دا
إبن مين
إيه منصبه
من عيله وللا من التراب
أنا موت علي موتي
وصرخت أنا من سكات
إنتوا جميعاً ميتين
يللا أرجعوا
أما اللي ح يواصل الذهاب
( لحباب )
الأزهرى ... علام
طايع ... ( مغربي )
عبدالسميع ... البحر
لكنهم في القاهره
بيزوروا معرض للكتاب
ف رجعت وقلعت الكفن
ميت وعشمان في العتاب
فتشت في دفاتر الحضور
مكتوب غياب
ف رجعت ولبست الكفن
عايش علي هيئة سراب
ف زرعت صباره
في سور عالي
وقفلت الباب
مساحة إعلانية
مساحة إعلانية
