مساحة إعلانية
مساحة إعلانية
مصطفي معاذ - الوادي الجديد
الخارجة 6 اكتوبر 2018
اللي بنوا الاهرام مخافوش
واللي ف سته اكتوبر عبروا وحوش
واللي بيبني اليوم انسان
واللي يهد ف بلده جبان
بلدك مهد ولادك أهلك
اوعي ف يوم تتخلي لا تهلك
اصلك فصلك. مسقط راسك
عملك وطريقك احساسك
كان الماضي جميل علشان
شعب بيبني بروح فنان
حاول تدي ف مره بلادك
من غير اي مقابل
بكره الخير هيبان في ولادك
واكيد راح نتقابل
وسط مزارع خضرا وغيط أفراح
وسط العلم منور كل صباح
واللي بنوا الاهرام مخافوش
واللي ف سته اكتوبر عبروا وحوش
مساحة إعلانية
مساحة إعلانية
