مساحة إعلانية
آخر محطه للوقار
من عقر دار
الكون نهار
والشمس بتلم الصفار
قبل المدار
تكعيبه للى بيرسمك
لحظة م طار
عصفور صغير
الحلم واقع جوه بير
امشير كشمير يا طير
الغنا جنب البيوت
ع التوت
اخر محطه للوقار
النار بتاكل كل شيء
الا الحديت
ولا كنش جيت
انده هنا وانده هناك
وكانى لسه بوصفك
قبل الغنا بسنين حديت
وان كنت جيت
تلقانى حبه ف زقذقه
وسنانى لسه ملزقه
ومت فرقه ...
ومن حزنى أموت
اخر محطه للوقار
تلقانى نار
تلقانى واقف ع الرصيف
ارسم بيوت وارسم مدار
وارسم محطات القطار
وارمى عيون الخلق
لو شب النهار
الاقيكى لسه مدندنه
بعد اما طار
اخر محطه للوقار
صالة انتظار
مساحة إعلانية
