مساحة إعلانية
مساحة إعلانية
أمريكا رجعت شيكا بيكا
بكلام أونطه وبولو تيكا
و" ترامب" آل ايه بسلامته
عاوز ياخدنا ف كام دوكا
يا ترامب اعقل دا المصرى
طول عمره عارف بلاويكا
يا ترامب روح حل مشاكلك
دا الأرض هتزول تحتيكا
رب العباد عارف إنك
مغرور وقادر يمحيكا
قبلك"نيرون"ولع بلده
والدور أهو جاى عليكا
أول ما شرفت يا مؤذى
قامت حرايق تيكا تيكا
إيش حال لو الأمر يطول
ها تجيب عاليكا لواطيكا
مصر الكنانه أهى واقفالك
والجيش هيتغدى بيكا
راجع ونافش ليه ريشك
ع الكل والحقد ماليكا
عاوز تكوش ع الدنيا
وفاكرها هتبوس رجليكا
وطالبت "بنما" تتنازل
عن القناه تصبح ليكا
وجزيرة الدنمارك معاها
تتباع لماما أمريكا
وطلبت آل إيه"كندا"
تصبح ولاية لمعاليكا
وما سبتش الصين وأوروبا
حتى العرب برضو ياويكا
عاوز تصفى قضيتنا
وتزيل بلدها بأستيكه
ولمصلحة دعوة خبيثه
وبعنصريه وتلكيكه
تهجير وعنف وعصبيه
وبشغل حاورينى ياكيكا
ارجع لعقلك واتفاهم
ويا "النتن" اللى غاويكا
وابقى افتكر فين أجدادك
المصرى خلاهم روبابيكا
انفد بجلدك احسن لك
بعدين هنا رح نتاويكا
"غزه" الأبيه قضيتنا
دول جبارين رغم أبيكا
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
