مساحة إعلانية
مساحة إعلانية
بكر للشعر بالمقاسات،
وبوص فى جراب وسنارات،
وميا وشاي ورغفين عيش،
يغمس صبره بالأوجاع،
ويشرب شاي كام مره،
وياكل لقمته لو جاع،
حبيبه البحر من يومه،
أغير عليه من الأمواج،
وأحن إليه وألومه،
حياته هو والدنقل حكاية عشق للميا،
ومين ياناس يقوله معاك،
فى قلب البيت حورية،
يا ناسيني وكيف أنساك ،
وانت كل ما ليه،
يغيب فى البحر ويطوّل،
واخاف ل حبه يتحول،
واقول والمرسي أبو العباس،
ل قسي قلبي باديه،
ولما يجيني راح اعاتب،
واطالبه بحقى وأحاسب،
خلاص اتعبت م الأشواق،
يا يرضي القلب يا يفارق،
وبس يتك بالمفتاح فى قلب الباب،
يطير قلبي قبل رجلي،
واشم فيه نسايم البحر،
ويأسرني كأنه سحر،
واقول نورت مملكتك
ياغايب وانت ساكني،
ويفتح شنطته بسرعة ،
وعينه تقولي وحشتيني،
تعالي شوفي رزقك ايه ياوش الخير،
وسعدي فى دنيتي وديني،
"بلاميطة" و"بطاطا"" وموز،"
ودي" مرمار" وديا "دانيس"،
ودى "ميرا "ودى" جلافيش"،
امثل اني زعلانه عشان ايده تحاوطني،
واقوله :- كله مش ليا،
أنا من يومي" بلطية"،
صعيديه
ومغرومة" بنجم البحر" "والسراغيش"
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
