مساحة إعلانية
مساحة إعلانية
القسم الثقافي
فتحي ما كتبش كتابه علشان يقول انا حالة نادرة ولا علشان يلفت نظر حد الحكاية بدأت من سنين طويلة قضاها وهو بيدور على نفسه وعلى تفسير للي عايشه
سنين عمره اتقسمت بين مصر واوروبا هناك عاش واشتغل واتعلم وشاف ازاي العالم بيتعامل مع الاختلافات النفسية والعصبية وشاف ازاي ADHD مش وصمة ولا شتيمة لكنه حالة ليها فهم وليها ادوات وليها طرق تعايش
طول السنين دي كان بيدور على اجابة واحدة هو ليه حاسس دايما انه مجهود اكتر ونتيجة اقل بينسى كتير يتشتت بسرعة يبدأ حاجات بحماس وما يكمّلهاش في المدرسة زمان قالوا عليه مش مركز وفي الشغل اتقال عليه مش منظم وفي البيت الجملة المعتادة لو ركز شوية هيبقى احسن
في أوروبا بدأ رحلة تشخيصية شاملة العلاج الدوائي كان جزء بسيط لتشخيص وفهم الحالة لكنه ما كانش العامل الاكبر بعد كده العلاج النفسي كان الاساس في استقرار فتحي وفهم نفسه العلاج النفسي ساعده يفك سنين من اللوم والضغط ويشوف نفسه بشكل اوضح واهدى
بعد مرحلة العلاج النفسي جه دور الكوتشينج ورحلته مع ICF الكوتشينج ساعده يفهم ازاي يتعايش مع ADHD في حياته اليومية ازاي ينظم يومه ويحط اهداف واقعية ويبني ادوات تناسب طريقته هو في التفكير
من خلال الكوتشينج قدر يحول الفوضى لنظام خاص بيه ويتعامل مع نفسه برحمة اكبر ويتقبل الاختلاف بدل ما يحاربه وكانت دي مرحلة مهمة في ما بعد العلاج مرحلة الفهم والتعايش
لما الصورة اكتملت قرر فتحي ما يحتفظش بالمعرفة دي لنفسه قرر يرجع مصر وينقل التجربة زي ما عاشها مش مترجمة ومش طبية ومش من فوق لتحت لكن من واحد مر بالرحلة خطوة خطوة
فتحي يعتبر اول مصري عربي يطلع ويكتب كتاب كامل عن المعيشة مع ADHD مش عن المرض لكن عن الحياة اليومية عن أزاي تصحى كل يوم وتحاول تمسك اليوم من أوله لآخره عن شغل بتبدأه بحماس وبعدين يتوه منك وعن علاقات بتتأثر بسبب النسيان والتأجيل
اللي يميز الكتاب انه ما بيجملش ADHD ولا بيخوف الناس منه بيحكي الحقيقة زي ما هي في تعب وفي ضغط وفي احساس انك دايما ماشي عكس السكة بس في نفس الوقت في فهم وفي ادوات وفي امل
اهمية تجربة فتحي مش بس في انه كتب كتاب لكن في انه كسر صمت طويل وفتح باب لناس كتير في مصر والعالم العربي كانوا فاكرين انهم لوحدهم او فاكرين نفسهم فاشلين
الكتاب بقى صوت لناس كتير ما كانش عندها لغة تحكي بيها ولا مساحة تفهم بيها نفسها وبقى خطوة اولى في كتابة عربية حقيقية عن ADHD من جوه التجربة
فتحي ما كتبش علشان شهرة ولا علشان جدل كتب علشان يرجع اللي اتعلمه بره بلده لناس شبهه في بلده وعلشان يقولهم ببساطة انت مش غلط
دي مش مجرد تجربة شخصية دي بداية معرفة راجعة لمكانها وبداية حكاية لسه بتتكتب عن المعيشة مع ADHD في مصر
اقوي كتاب بعد الوجع وهنستنا رايكم
الكتاب موجود في معرض الكتاب صالة 2 جناح B45 ولو عايز تقابل فتحي خلينا نشوفك في حفل التوقيع يوم 30 يناير الموافق الجمعة بجناح دار وعد
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
