مساحة إعلانية
مساحة إعلانية
لا ف يوم اشتكى
ولا شكى
غنا ومواويل وتفاريح
خطوته ف الكون زفة
دقه ف الهوى نغم
تواشيح
يا ابو العماد
ما رحتش بعيد
وان صحى فيك اللحن
وان دب فيك الغنا
بالتفاريح
بالغنوة والتانية
هدى يا مركب
الطيبين
يا حمامة بترفرف
بقالها سنين
بالسلام
امبارح كان ف سلام
ما كانش باين ع الوجع
ولا كان فيه آلام
يا ابو الجناح عالى
بيرسم غناوى الجدع
يرسم ضحكة وغناوية
وحلاوة الحكاية
ف كلمتين حلوين
يرسم للبشر
جناين متشوقين
متكونش رحلة بتنتهى وتزول
خليك ضل
يضلل للطيابة
اللى لسه باقية فيك
لسة باقيه ف عنيك
الدبلانين
ف ايدينك اللى زرعوا الخير
للناس الحصادين
يا فارس الميادين
لسه باقية الروح
مهما الرحلة تطول
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
