مساحة إعلانية
مساحة إعلانية
العدل قال كلمته
قال"النتن" مطلوب
بعد الخراب والدمار
لازم يموت مصلوب
أو فوق عمود يتشنق
ويصير خلاص مشطوب
ومهما ساعدوه العدا
الظلم ليه منسوب
القتل شرعه وقانونه
بميزان دقيق محسوب
ومهما حاول يماطل
مافاضلش فيه مهروب
كل البلاد كارهاه
وماعادش بقا مرغوب
شهدا وضحايا كتير
وخرابه غطى شعوب
بالدمع يبكى الأرامل
واليتم أدمى قلوب
والطفل ضاعت حياته
دمه هناك مسكوب
يااهل العداله استحوا
وكفاية موت وحروب
يارب ارحم ضعفنا
وعدك فى لوح محفوظ
لا هترحم الفاسدين
ولا اللى افترى بذنوب
عدلك هيفضل وراهم
ويروحوا بالمقلوب
على نار بتشوى الخلايق
ومفيش هناك محبوب
ع اللى فسد وافترى
وماسابش فرصه يتوب
مساحة إعلانية
مساحة إعلانية
