مساحة إعلانية
مساحة إعلانية
كتبت: هبة ياسين
المغامر المصري كريم حسني والملقب بسندباد مصر بسبب رحلاته التي يقوم بها بدراجته قام بتوجيه رسالة للمصريين وللعالم جاء فيها :
رحلتي من المحيط للمحيط مش بس عن شغفي بركوب الموتوسيكلات لكنها كمان وسيلة لتعريف الناس بجمال وتاريخ بلدنا العظيم. بدأت الرحلة من شواطئ المحيط الأطلسي في فلوريدا، وقطعت أمريكا بالعرض مرورًا بـ 13 ولاية، وصولًا للمحيط الهادئ في كاليفورنيا، بمسافة 4247 ميل (6833 كم) في 16 يوم من التحدي والمغامرة!
بشعار Visit Egypt، كنت حريص إني أحمل معايا صورة مشرفة عن مصر، ومن خلال الهدايا التذكارية الفرعونية اللي وزعتها على الناس اللي قابلتهم، شوفت بنفسي قد إيه العالم مبهور بتاريخنا وحضارتنا العريقة. حاجات بسيطة، لكنها بتوصل رسالة قوية!
عشان كده أنا بناشد كل مصري بيسافر: خصص جزء بسيط من ميزانيتك للهدايا التذكارية اللي تمثل بلدنا. الموضوع مش مكلف، لكن تأثيره كبير جدًا! كل هدية بسيطة ممكن تخلي شخص يفكر يزور مصر، وكل كلمة حلوة عن بلدك بتفتح باب لناس تشوف جمالها بعينيها.
تخيل لو بسببك حد واحد بس قرر يزور مصر… أنت كده ساهمت في دعم السياحة وساعدت بلدك!
خلونا نكون دايمًا سفراء للوطن في كل مكان! لو مقتنعين بالرسالة، شيروا البوست وخلي صوت مصر يوصل لكل حتة في العالم!
مساحة إعلانية
مساحة إعلانية
