مساحة إعلانية
مساحة إعلانية
كثيرا ما شعرنا. بالوحدة وتمنينا ان يكون بجانبنا شخصا او اشخاصا تؤنس وحدتنا ، فالونس فى مرحله من حياتك اهم بكتير من الحب، الونس مش بعدد لا ينتهي من الاصدقاء بيتحسبوا عليك وخلاص ، ولا اخوات كثير حواليك ما فيهومش واحد يطبطب عليك ، فسيدنا يوسف كان له أحد عشر اخا ولكن حاولوا التخلص منه ، وسيدنا موسي كان له أخ واحد لكنه كان السند والظهر له ، ولا الونس عدد من الابناء ما فيش واحد فيهم يشاركك همومك او مشاكلك ، انت في وادي وهم في واد ، الونس انك تلاقي حد جنبك تعرف تكلمه فى أي وقت وتسأله رأيك إيه من غير خوف ولا حواجز ، لأن عندك ثقه فيه وفى كلامه ، دور عليك إنت فين واتأخرت ليه ؟ يسألك مالك زعلان ليه ؟ ويخليك تفضفض معاه من قلبك ، لأن عمرك ما تهون عليه تفضل زعلان ، ويطمنك انا جنبك مهما حصل ومش هاسيبك . الونس لما يلاقيك بتقع يسندك من غير إنتظار ولا مقابل . الونس عكازك فى الحياة لما تكبر. الونس روح بتطبطب على روح ، روح تلاقيها جنبك لو ضاقت بيك الأيام . الونس روح معاك دايماً بترد فيك الروح ، فلا يؤنس الروح إلا روح تألفها ، ففي مرحلة من حياتي لم اعد اكترث كثيرا بمن يشترى لي الحلوى ، بل من ساعدني علي وقف الدواء المضاد للاكتئاب ،علي من آنس وحدتي وشد من ازرى ، حتي خرجت من ظلمات الوحدة . دور دائما علي الونس الحقيقي في حياتك ، وقدره ،وتمسك بيه .
مساحة إعلانية
مساحة إعلانية
