مساحة إعلانية
مساحة إعلانية
شايفاك جاى بغير العاده
حاطط وردة ف جيب البدلة ونن عنيك السود متقاده
حتى القهوه جاى تطلبها منى زياده
ايه الموضوع ؟
جاى بهديه وسيل حنية تصفِّي النيه
و شموع قلبك رايحه وجايه تغازل فيّا
إحنا الليل ولا الصبحيه
لحظة اما افرُك جفن عنيه
راحت فين تكشيره قلبك
فين تكسير الروح من ندبك
فجأة اتغير
ولا ف لحظة بغير العاده
قلت تشوطها مع فنجان الشؤم السادهة
والنظارة ام دراع واحد حالا راحت
ولا الثانيه فجأة ارتاحت
وعنيك شافت ستة ف ستة
يا نظراتك
تبقى ف طنطا وشايف زفته
ايه الموضوع ؟
عامل عامله وجاى تتدارى بنظره وخفه
ولا تكون حنِّيت للزفه
والقاك فجأة
عامل بينى وبينك قفله
ايه الموضوع؟
حاسة بحالة ترد الروح
وانت بلهفه وحب تبوح
خايفه اللحظة الحلوة تروح
والقى جروحى زايده جروح
ايه الموضوع
عايز غنوه تلم الشوق
غنوه تطيَّر عقل الذوق
طيب شوف
كل سكوتي عن مسكوت
حالا يصبح مليون صوت
يا الإزعاج
اطفي النور
ليه تصحِّيني ف عز النوم
كنت تسيبني شوية اتهنى بحلم اليوم
مساحة إعلانية
مساحة إعلانية
