مساحة إعلانية
مساحة إعلانية
مراد ناجح عزيز
عنيد أيوه ..
بزق بكتفي ف الأيام
ساعات تعدل, ساعات تقلب
ساعات تعطش, ساعات تشرب
وماشيه تزك
حزين ايوه ..
وفيّا من الألم ياما جراح ..
بتشك
ساعات تهدى, ساعات بتنام
ساعات زى المطر تشتي
وساعات ألغام
وحيد ايوه ..
مصاحب روحي ف الغنوه
وقلبي حمام
ساعات يهجر, ساعات بيحط
ساعات بينط حواجز الدنيا ..
عشان لُقمه
ولو بالمر تتغممّس
ولا يوطيش
فقير ايوه ..
بس قادر أعيش
لو طول مِشيتها ومْشِيتها ..
عرض/ ع المسامير
متعوّدتش أمسح جُوخ لحد
وبحلمي طاير ف السّما ..
مشاوير
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
