مساحة إعلانية
مساحة إعلانية
بين الحياة والموت
يمكن يفوت
يسمع غناوى البيوت
ع التوت
لحظة ما صوت
البنت يتغنى
مش كل معنى
ولا أي حلم يندهك
أنا كنت لسه مكملك
حبة حروف
وبحته صوف
يمكن يلوف
يطلع ف جوف
العرقانين م الخوف
حبة أهات
تنهيده. بتلم اللى فات
ساعة ما مات
الحلم سكة مفبركه
ف حضن البنات
تسريحه للى بيتوجع
لحظة ما بات
آخر ذكريات
ولولاكى لسه بيترسم
أنا قلبي شايفه بيتقسم
وف حتتين
مين اللى زين
ساعتين لمين
يفصل بواقى ضحكتك
قلبي الحزين
مهموم سنين
والفرح قالع هدمته
بوشه اللى شين
أنا كنت لسه بوصفك
حبة حنين
آه لو تطلى وتضحكى
وتقولى مره و تشتكى
مش كان دا قلبك يتكى
على صدر خوفى ويترفى
بحبة حروف
ملضوم بخوف
الأبجدية بحته صوف
ساعة ما ألوف
واغسل عيدان الحب
قبل ما حتى اعوف
وارمح واطوف
على صدر خوفى ويترفى
بحبة حروف
واكمنى كان بينا الغنا
واكمنى كنت ف يوم أنا
يا سنين بتبهت مننا
ساعة ما كنت ف يوم قنا
وف أرض بور
سايق وابور
ومقبلين ومبحرين
جرين ... بواقى سكتك
ومهملين ...
نفس الإدين
اللى بتشاور لمين
ف محطتين
ف بواقى حلم بيتعصر
وبينكسر
لحظة براح
الخوف مباح
انتى اللى بتشقى الوجع
لحظة ما طاح
أنا لسه عيل وف لهجته
شايل جراح
شايل جراح
مساحة إعلانية
مساحة إعلانية
