مساحة إعلانية
مساحة إعلانية
عُمر أمي ما رضعتني
( لبن صناعي )
أو رِضعت في مرَّه
وإستحليت صُباعي
لكن أمي رضعتني
إن غير الحق دايماً مش بتاعي
رضعتني مش حليب
رضعتني حاجات
ما فطمتنيش عليها
رضعتني من عينيها
يعني إيه معني ( الحياء )
يعني إمتي أمد رجلي
أو أقصِّر من دراعي
رضعتني مش لبن مخلوط ب ماء
رضعتني الإنتماء
يعني كل الناس سواء
رضعتني كل ذرة من ترابُه
بصمته كانت نخاعي
رضعتني مش ( صداع )
يعني ( إسبرين )
رضعتني البسمله
إني اقرا الفاتحه
ف بيذهب صداعي
رضعتني ولسَّه بأرضع
إني أقول للعيب دا ( كُخ )
إني عمرى ما أخاف ب ( بِخ )
إن عُمرى ف يوم ما أركع أو ( أنِخ )
مهما حاوطتني المصاعب
ك الأفاعي
رضعتني أكون رفاعي
مساحة إعلانية
مساحة إعلانية
