مساحة إعلانية
مساحة إعلانية
محمود الحبكى
أنا اللي إستوى علي أبوه
تضربشي بالطوبه
لا كيماوي أو ب مبيد
أو تحت في ( الصوبه )
الشعر جاب لي الضغط
وخشونه ورطوبه
ولا عمرى بأكتب غصب
ولا بآخده سبّوبه
أنا في القصيده بأعيش
تشبهني مكتوبه
لا قصيدتي مدح وسب
أو مجد في عروبه
الشعر مش توظيف
أو حسبه محسوبه
ولا يوم في شله أكون
وعينيا معصوبه
ولا رُحت دور للنشر
وكرامتي مسلوبة
الشعر مش ب ( الكم )
أو سلعه مطلوبه
أو يوم أقلِّد ( سين )
وقصيدتي معطوبه
الشعر روح بتطير
لو حتي مقلوبه
إن كنت شاعر صح
ع الشِعر قول توبه
مساحة إعلانية
مساحة إعلانية
