مساحة إعلانية
مساحة إعلانية
مهداة لروح شاعر العاميه الحبيب الخلوق محمد محمد خميس
بتقيس غلاوتَك يعني يا أبو ( يوسف )
طاب ما أنت عارف
مهما يعني تقيس
إظهر وبان يا خميس
غمَّضنا فتَّحنا القلوب خلاويص
فينَك تعالي تعبتنا ويَّاك
إيَّاك تكون إرتحت جوَّه ( الميس )
( صوت البلابل صاج ) وهاج يا حبيب
وإنت ( الغزال في الصحرا روح ) ما تغيب
وإنت اللي شايل البحر جوَّه الجيب
وإنت العجيب في الموت أخدته ونيس
إظهر وبان إطلع من المينا
مستنظرين بالنُكته ترمينا
وإنت الخِتام وإحنا اللي سمِّينا
غَمِّينا شايفينَك وإطلع من الكواليس
إظهر وبان يا خميس
ولَّا أنت ناوى السُكنه في الفراديس
____
_ ديوان ( بلابل صاج )
_ ديوان ( غزال ماشي في صحرة روح )
_ الميس ... مكان التجمع في لعبة الأستغمايه
مساحة إعلانية
مساحة إعلانية
