مساحة إعلانية
مساحة إعلانية
محمود الحبكى
تسمحيلي بكلمتين
مش كلام هَبد وخلاص
كلمتين من جوَّه قلبي
كلمتين من قلبي جوَّه
كلمتين من روحه هوَّه
كلمتين مش م الرُخاص
مش ح أقولِك مش بأنام
مش ح أقولِك لما بأسخَن قال وأختّرِف
يبقي إسمِك في الكلام
مش ح أقولِك كُنت خام
وإنتِ شقلبتي لي حالي
كُنت عود وبقيت مُصاص
طبعاً إنتِ مجرباني في المواقف
كُنت أقع في الحُب واقف
كُنت شلَّال في العواطف
عقلي تاه ربِّك يلاطِف
وإنتِ حتي ما قايله حااااص
كلمتين من غير ما أرتِّب
م الغَشم دَبش ورصاص
أُعذريني دمِّي سايح
واللي جاى قال للي رايح
تسمحيلي م الفضايح
ح أنتظر وتجيني خاص
مساحة إعلانية
مساحة إعلانية
