مساحة إعلانية
مساحة إعلانية
محمود الحبكي
مش ح أكتب تاني قصايد
ب ضمير الغايب
راح أقول علي طول محمود
كل الطعنات راح أتحملها لوحدى
يكفي لما يسيل الدم
ماحدِّش يدفع ديَّه
فشلي في ( ثانوي ) تقصير منِّي
لكن في التبرير الساكن لحيتي
إن الفقر معاي ملازمني
زمايلي بيآخدوا دروس
وساعات بيهزءوا في الأستاذ
وأنا في البيت الجوع حزمني
حكايتي مع البنت جيراني
إنها كانت أطوَّل منِّي
ولما تحب تشوفني
بتنظر تحت ف بتأزمني
كلامي اللي بيوجعني
بدون مجازات أو توريه
ولما ح تقرا قصيدتي تشم في ريحتي
ولو حبِّيت تعايرني
ح تعرف إني
فاتح لك بابي ﻵخره
بدون ضغوطات علي روحي
عشان تلزمني
مساحة إعلانية
مساحة إعلانية
