مساحة إعلانية
مساحة إعلانية
إنت اللي تِعطَس
إبرتين بتروق
وإنت اللي تعطش
بوقّ جاز بتفوق
وإنت اللي لما تحس بالخنقه
كبَّاس بتصبح زى خيل مطلوق
بتشيل علي راسك ما بتخسَّع
نارَك دفا ولا عمرها بتلسع
نتلم تحضن فينا وتوسَّع
لا بتسأل الحلَّه طبيخِك إيه ؟
إن كان بدِمعه حتي أو مسلوق
إنت اللي بــ ( الكوشه ) عريس دنيا
وإنت اللي تعزف لحن بــ ( الفونيا )
أصلك نحاس ولا كانشي ألمونيا
قالوا الوابور
الباجور
البابور
سيبَك من الاسماء
عاوز تشوف الفَرق
لما تدوق
مساحة إعلانية
مساحة إعلانية
