مساحة إعلانية
مساحة إعلانية
•مهداة إلى روح الشاعر الغالي إسماعيل حلمي رحمه الله
-1-
ضله بيسبق خطوته مليون قدم
مااعرفش ليه رايح بعيد
ولا مين ده سايقه للعدم
كل اللي شافه ف رحلته
مصمص شفايفه
من الوجع
تمتم وقال:
كان واد جدع
واهو صار تابوت
-2-
من كام سنة
وأنت بتنحت في الجبل
قاعد بترسم في البيوت
وتوشمه بدمك حجاب
ماكانش يخطر في الدماغ
إنه ده ممكن يتهدم
ولا حتى ريح تكسر له باب
لكن المفاجأة المحزنة
إن عمود بيتك هوى
زي خيوط العنكبوت
-3-
متقولش فين وازاي وليه
مبقاش مكان للأسئلة
ولا حبر ينفع للكتابة
كل الحكاية من زمان
متأصلة
في الأرض كان المبتدا
والمنتهى منه وإليه
هي كدا
الأصل في الحدوتة
موت
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
