مساحة إعلانية
مساحة إعلانية
جيت و لك كلي حنين
رد صوتك -- قلت مين
ارتعش قلبي ساعتها
بس مش عارفة انت فين
عينى بتدوَّر هناك
فرح قلبي يوم لقاك
أجرى وأفتح باب ضميرى
ألتقي جواه سناك
و انتَ بتطبطب عليَّ
ينشف الدمع ف عينيا
قلت عاوزة اخدِك معايا
ولا تستني شوية؟
رد صوتي بكل خوف
و ارتعاش هزٰٓ الحروف
قلت بس ازاي تاخدنى
من ذنوبي عجزت اشوف
سيبني حبة لاجل اتوب
عمري مالياه العيوب
و إن قِبِل توبتي إلهي
و ابقى خالية من الذنوب
يومها ويَّاك ممكن آجي
و الرحيل يصبح علاجي
أصل نفس ما هيش نقية
كيف لرب الكون تناجي
مساحة إعلانية
مساحة إعلانية
