مساحة إعلانية
مساحة إعلانية
مش كل من لف العمامه رجال
ولا كل نخل اتزرع هزه الرياح ومال
عايشين بعزتنا ولا مرة ميلنا
شرفنا راس مالنا، شامخين كما لجبال.
******
ياطالب الود هدى القول واسترجع
وجع الغرام واعر،بس الغلط أوجع
تعبني تلقيحك ، وفى كل ليل موال
سيب للهوى مرسال، يمكن فى يوم ترجع
******
النخلة نخلة ولو تعصف جذورها الريح
والوردة أحلى لو صانها الجنايني صحيح
قصر الشرف عالى من يقدر يخطيه
وابن الأصول تلاقيه، ملهوش ف التلقيح
******
لميت وجع قلبي ، وحلفت لأهاجر
الذنب مش ذنبي ،مظلومة وبعافر
الجرح فاق الحد ،نصل الحبيب قتال
من كتر قلنا وقال، صبح العويل قادر
******
ياللى فرشت هواك على المصطبة ف الطل
كتر الحكي خلاك، بعد العقل مختل
دايس على الغاليين وفاكرها كر وفر
مين قال جهنم حر ؟ ,غدر الحبيب أتقل
******
أوعاك تفكر يوم لو جيتني راح أ سامح
من بعد زين الكلام ،صبح الحديت جارح
من ميته بنت الأصول تنزل مزاد الهوى
واللي ب حبيبه انكوى،حزنه شجر طارح
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
