مساحة إعلانية
مساحة إعلانية
المره دي مفيش مناسبه للرساله
في كلام جوه قلبي عايز اقولو
الماضي عدى وبابو قافلو
وبأيدي انا متمم قٌفولو
كداب انا
وجيت اصارحك بالحقيقه
الايام بتعدي عادي
والزمن بيض جفوني
مبقتش اخاف وبقيت بنام تحت السرير
علشان مبقوش يخوفوني
ومفيش لصوتي أي رد
وبقيت لوحدي أنا اللي فاضل
مبقتش بهرب م الكلام وبقيت بناضل
وبنام من غير محتاج لي نور
انا كان يرعبني فلاش كاميرا
دلوقتي بفوت وسط البنور
وشمس عز الضهر مبتلسعش
بالعكس تشبه لون عنيكي
والقمر وقت اكتماله يزيد في خبثو
ونوره بينافس ضياكي
الليل طلع ده مقلداتي
فستانك الأسود بترتر
انا شايفو لابسه
معرفش انا أي أنثه
يمكن تأثير تقل علاجي ولكني بفوق
او ممكن بيفكرني بيكي
خليني اكمل كدبتي
أو بالمناسبه بقيت ناسيكي
المره دي في مناسبه للرساله
في كلام مخنوق ف قلبي وعايز اقولو
الماضى عدى وبابو قافله
معرفش مين طفش قفوله
انا جاي اصارحك بالطريقه
قلبي فيه ألفين حريقه
الخوف معشش جوه دمي
الحزن متجسد فهمي
عمال يعيدلي الذكريات وصرخ وصد
الجماد بقى ليه لسان عمال يرد
زي طفل اتباع أسير
مين اللي قال اني مخافش ليظهرو
لو بايدي انام جوه سرير
انا مش بخير وانا مش ناسيكي
وإن كنت ناسي انا مش بخير
سيبيني ليه
طب حتى قولي أيه المصير
او حتى قولي كيف اسير
ليه يبقى قربك كلو عسر
ويجيني بعدك شئ يسير
سبتيني ليه لي ذكريات واخدتي عمري
سبتيني ليه عمال بعاني
سبتيني ليه اكل فبعضي
واحلف مطافح مني تاني
مش هكتبك ومفيش عتاب
الورق طار من إديا
دلوقتي عرفت إني انا كداب
دي الورقه الواحد والميه
مساحة إعلانية
مساحة إعلانية
