مساحة إعلانية
مساحة إعلانية
كتب- نبيل الفرشوطي
بعد ضحكة استمرت لعقود دون انقطاع، فارقنا الفنان والكوميديان العبقري سليمان عيد، فجر الجمعة 18 إبريل 2025، إثر وعكة صحية مفاجئة ألمت به كما صرح نجله.
ارتبط سليمان عيد مع الجمهور بصناعة الضحكة من اللاشيء، إذ قدم كوميديا عبقرية، تنوعت ما بين كوميديا الموقف والإيفية، فكان علامة مميزة وماركة مسجلة اسمها سليمان عيد في عالم الكوميديا المصري الذي يعج بالعباقرة.
بدأ سليمان عيد رحلة الكوميديا مع الكبار وكانت الانطلاقة، في فيلم "الإرهاب والكباب" عام 1992، أمام النجم الكبير عادل إمام والنجمة يسرا.
ومن أعماله العبقرية في الدراما: هوجان، رجالة البيت، فلانتينو، الكبير أوي 6، بيت فرح، أنا وهي، سكر زيادة، ربع رومي، الواد سيد الشحات، البرنسيسة بيسة، سرايا عابدين، كلبش 2، اللهم إني صايم، لمعي القط، في الـ لا لا لاند، هربانة منها.
ومن أعماله السينمائية: زكي شان، حمادة يلعب، واحد من الناس، ظرف طارق، وش إجرام، حرب إيطالية، بوحة، فول الصين العظيم، الباشا تلميذ، عيال حبيبة، ابن موت.
ولأن الضحكة لا تصنع إلا من مرارة المواقف، كان سليمان عيد كذلك، إذ صرح لأنه قبل أدوارًا لم يكن مقتنعًا بها إلا لأجل سداد الديون والأقساط، إذ قال: "كنت بقبل شغل عشان عليا أقساط، حتى لو الأدوار مش عاجباني".
وعن والديه، قال إن أمه كانت تحب والده بشدة ورحلت في ذكرى وفاته، وصرح عن ذلك قائلًا: "كنت خلصت سنة أولى جامعة وطالع رحلة مع زمايلي البحر وأنا مبعرفش أعوم فقلت أروح عند واحد صاحبي في إمبابة عشان اخد منه العوامة فملقتهوش، وبعدين قالولي ده راح يعزي في أم واحد صاحبه عند منطقة الشجرة في إمبابة وأنا ساكن عند الشجرة، سألت مين صاحبه ده؟ فقالولي اسمه سليمان عيد، فقولتهم أكيد غلط، وخدت المسافة جري لحد هناك رغم إن المسافة كانت بعيدة وفعلاً كانت أمي وماتت فجأة".
وتابع: أمي جالها الصفراء وماتت في نفس اليوم اللي مات فيه أبويا بس في سنتين مختلفين، يعني أبويا مات في 1979 وأمي ماتت في 1981".
وعن والديه قال سليمان عيد: "أمي كانت بتحب أبويا أوي، وكانت عايز تعمله اللي نفسه فيه واحنا كنا قاعدين في شقة إيجار جنب سوق الجمال عشان خاطر أبويا شغله في السوق وكده، فأمي راحت اشترت أرض ١١٠ متر في حتة فاضية وقتها اسمها الشجرة، والشجرة دي دلوقتي أزحم من إمبابة، وكل ده وأبويا ميعرفش ومعرفش غير بعد ما بنت دورين ونقلنا فيه، وسبحان الله أبويا اللي مكانش عايز يسيب شقتنا اللي جنب السوق، نقل في البيت الجديد ولقى السوق اتنقل هو كمان لمنطقة الشجرة، فلما مات أبويا أمي جالها اكتئاب، وبقت تدخل أوضتها بالساعات لوحدها ومكانش حد مسموح له يخش عليها، كانت بتدخل تبكي على أبويا".
ونعت نقابة المهن التمثيلية الفنان سليمان عيد في بيان، قالت فيه: "تتقدم نقابة المهن التمثيلية برئاسة الدكتور أشرف زكي بخالص العزاء، سائلين المولى عز وجل إن يتغمد الفقيد بواسع رحمته، وأن يلهم أهله وذويه الصبر والسلوان. إنا لله وإنا إليه راجعون".
وأعلن ابنه عبد الرحمن سليمان عيد أن صلاة الجنازة ستُقام اليوم عقب صلاة الجمعة، في المسجد الكبير بالمجمع الإسلامي في الشيخ زايد، على أن يتم تشييع الجثمان إلى مثواه الأخير بعد الصلاة مباشرة.
مساحة إعلانية
مساحة إعلانية
