مساحة إعلانية
قلبي اللي سالف منّك الضحكة الشباب
ساب الجميع بيعدُّوا من حضنه وْ فَتَح
مِنْ برّه باب
يدّارى م الفرحة اللي جيّاله بـ حلوق
تحت الفُروع
عمَّال بيطْرح أسئلة
كان فيها إيه ..
لو تترسم صورتك فرَح
جوّه الضلوع؟
صدقت إن الدنيا بتْحِبِّ الغراب؟
إزاي مكمِّل ..
رغم حنْجَلة الصعاب؟
ردّيت ..
ومتأكّد بأنّ المرْحَلة
بتْعَيّب التّرميز ..
وتطْلع بالجواب
قُلْت بصراحة السّنْجلة
أو حتى بلسان دنجلة
لمّا المطر
ينده لِـ أطراف السحاب
تلقى السفر ..
أبعد كتير
من حلّ شفْرات السّطور
العُمْر بيعدّي فْ عُطور
مش أدّ أحلام الورق
ولا زيّ مشكلة الفُراق
حرّية مِن وحْي الطّيور
من ألف حالة بتنكتب ..
وقت الحضور
وأنا لسّه محتاج للظهور
والتّجْربة ..
أكبر دليل
إنّ المرور بالشّعر
ممكن يبْتدي بْـ ضحكة شباب
وخيال بيجْري مع الشّعور
من غير كسل
ممكن يدور ع الطيّبين
يخْطب قصيدة وْمهْرها
عند اللزوم
شهرين عسل
مساحة إعلانية
