مساحة إعلانية
مساحة إعلانية
مراد ناجح عزيز
نصيبك ..
تكسب جايزة برنة تليفون
او تفتح الشبّاك يصيبك حجر
او تبقي ماشي ويحضنك ..
عيّل يتيم ..
وكإنه صاحبك من زمان
وكان بينكم ف اللقا ساعه
وكان بينكم ف الغياب عمرين
عيّل يتيم ..
شايك خفيف
وبيشرب قهوته ساده
وبيضحك من تحت الضرس كالعاده
ويقولك نروّح بدري
فرحك بسيط
وبيعمل م الحبّه قبّه
وإنت بتفتح باب قلبك ع الآخر
للبنت اللي عدّت ..
قدّام عنيك علي سهوه
ودلقت كباية الشاي
حلمك براح
ويقولك ف كل خطوه كمين
وف كل كمين هتلاقي غُربه
وف كل غُربه ..
شبعانه الاحلام تلطيش
عيّل يتيم النَسب
واتحسب عليك صاحب
بس إنت بالنسه له سِلعه
وأهو كلّه بياكل عيش
مساحة إعلانية
مساحة إعلانية
