مساحة إعلانية
مساحة إعلانية
صباح الورد
على أهلي و أصحابي
و كل الناس
صباح الفل و الياسمين
على اللي بيسألوا عني
و عالناس اللي مش سائلين
على اللي قلبهم صافي
و برضه عاللي مش صافيين
بصبح بس
مجرد بوست كالعادة
يوماتي نفتح الصفحة
نهني دا
نعزي دا
نحط قلوب
و نعمل لاف
على بوستات
أحيانا متعجبناش
عشان أصحابها أصحابنا
نعيد نفس الكلام تاني
لناس تانية
من الجايز منعرفهاش
لكن فيه حالة جمعانا
فضاء أرحب
من واقع ما بيسعناش
وبين الوهم و الواقع
أوض مفتوحة للسموات
بتسرسب كتير حكايات
و بتداري كتير زلات
...
صباح الفل
مجرد بوست كالعادة
مش عارفة هيقراه مين
حبيب و لا
عدو و لا
صديق عادي
مجرد اسم في القايمة
إذا صادف و قابلني
أبص لصورته و استغرب
أقول هو ؟ ماهوش هو
و أشوف النظرة في عيونه
تقول هي ؟ ماهيش هي
حياتنا افتراضية
تهانينا و تعازينا
صور جاهزة
وشوش تضحك
وشوش تدمع
وشوش مكسوفة
أو غضبانة أو خايفة
وشوش استبدلوا عيونها
بقلوب حمرا
لزوم الحب
و كل شعور و له رسمة
بنختارها بلمسة زر
و نبعتها لأصحابنا و أحبابنا
بلا لذة و لا إحساس
بلاش الليلة دي تهنوني
لا ع العام و لا ع الخاص
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
