مساحة إعلانية
مساحة إعلانية
صعب جدا
جوة حزنك تبقى ساكن
حتى عينك رايحة جاية ع الأماكن
شايفة لون الدنيا داكن
صعب جدا
تبقى عايش جوة روحك ألف لكن
صعب جدا
إن زهر العمر يدبل
وأنت لسه فى الربيع
لما حمل الدنيا يتقل
فوق كتافك
كل حلم بتبتديه
تلاقيه يضيع
صعب جدا
تيجى تكتب عن شعورك
تبقى خايف
حرب دايرة جوة روحك
وانت شايف
كله يسخر من همومك
كله زايف
حتى فرحك لما ييجى
بيتخطف منك خطايف
صعب جدا
لما أفكارك تخاصمك
اوقات تحس ان انت ناسي
حتى اسمك
نحيف فى فكرك
نحيف فى جسمك
حتى قلمك لما ييجى لوصف حزنك
مش مقاسمك
صعب جدا
صعب جدا وسط اهلك تلقى وحدة
صعب جدا ارتباطك بأى واحدة
صعب جدا
تيجى تحضن حتى نفسك
تلقى قلبك مش ملازمك
صعب جدا
مساحة إعلانية
مساحة إعلانية
