مساحة إعلانية
مساحة إعلانية
برغم اللي عدَّى وغدر الزمان
معافر ولسه.. في بحرك باسافر
وبادِّي.. وباضحك في وِشّ الحزين
وبامسح فِ دمعُه.. ودمعي فِ قلبي
سيولُه تكفِّي.. تغرق جناين
..
ولسه بتُذكر مداين عينيها؟
وبتصلي فيهم صلاة الغياب؟
ولسه بترحل مع الذكريات؟
وحابس مشاعرك فِ علبه قطيفة
مخبِّي بغطاها شوية آهات
وتفتح تطلَّع شريط الليالي
وتضحك وتبكي وبتتوه ساعات؟
تناجي فِ طيفها تقول له سامعني؟
يقول لك حبيبي وهافضل حبيبك
وفاكرين هاجرني
فغنِّي تفرَّح جناين قلوبنا
تنبِّت محبة وتطرح زهورنا
وقول للحبايب على عشق غايب
وحاضر فِ قلبك وقلبي اللي دايب
..
هاقولها وهاعلن بإني هويت
ومن يوم فراقك لقلبي انتهيت
ومشتاق تعودي لقلبي حياة
ما قلبك دا عشي وحبك بَناه
وهدُّه قدرنا.. وعجز السكات
يا عايشة فِ قلبي اللي إحساسه مات
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
