مساحة إعلانية
مساحة إعلانية
مش عدالة
إني آجي الدنيا و أمشي
بدون ما أسيب في الكون أثر
قلب فاني في دنيا فانية
زي ملايين البشر
مش عدالة
إن بعد الليل ما ليل
اكتشف إني خارجة من متاهة
و إني عشت ب ادور في دايرة
جوا دايرة
دايرة سموها القدر
دايرة ساحبة مني روحي
في بير غويط
شايفة جوا البير ضحية
سامعة جوا البير عياط
وقفوا كل الساعات
لسه ما بلتش ريقي
لسه ما شبعتش حياة
لسه عايزة فرصة تانية
أبقى فيها بهيئة تانية
ابقي روح حرة و خفيفة
مش جسد مربوط بصخرة
صخرة سدة كل حارة
و كل شارع
صخرة ربطاني في كنيسة
أو في معبد أو في جامع
ماشية طول الوقت خايفة
شايفة طول الوقت غول
غول ورايا بيطاردني
غول سابقني
و غول راصدني
و غول يسن سنانه ليا
لما أموت
شايفة شجرة توت هناك
عايزة أشرب من عسلها
و كل دول مانعني أفوت
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
