مساحة إعلانية
مساحة إعلانية
أنا يوم عيدك أقولك أيه
خلت عمري شبيه بالجنة
يوم ورا يوم تسقي وتراعيه
تزرع حب وخير وفضايل
ليل ونهار وتجمل فيه
دعوة وصلوة وكلمة وضمة وفيض من حب عظيم وكبير
كل ده كان ببلاش مجاني افرح لجل ما هي تعاني
وبتنزرع ف القلب معاني
غالية وفوق حد التصوير
أمي يا ضي عيوني
يا غالية مهما هقول عنك
مش هوفي
دين لو طول العمراسدد
كل العمر ده مش هيكفي
ياما تعبتي وياما قاسيتي
واتحملتي كتير وكتير
صبر وحلم وعزم وقوة وضعف
ورحلة من المشاورير
أول مرة أجرب أمشي
أول كلمة نطقها لساني
كانت أمي
أول مرة أروح مدرستي
أول مرة أروح الجامعة
واول حب احكيلها عليه
وأما دخلت الجيش ولقيتك طول الليل بتصلي وتدعي
احفظ ابني احفظ ابني
من كل الأخطار نجيه
كل الصعب معاكي اتهون
حتي الحلم معاكي اتلون
والأيام الصعبة عليا
بيهونها كلامك ليا
دايما سيرتي بتيجي
بفخر
ولمعة عين
وكأني مخترع الذرة
أو يوم وحدت القطرين
كل ما احاول اكتب عنك
يعجز قلمي عن التعبير
قلبك كوكب كامل عامر
كله محبة وخير وحنان
نهر بيسقي الكل ما يعطش
فرحة ف عين كلها أحزان
ولا بتكلي ولا بتملي
جبتي الصبر ده كله منين
روحك روح من فيض الجنة
عايشة توزع فيض الخير
حتي ف حزنك مرضك تعبك
دايما تسعي لراحة الغير
شوفتي كتير من ظلم الدنيا
وعمر ما روحك ظلمت حد
حتي إن ثورتي ف يوم وغضبتي
من ورا قلبك دا مش جد
أمي بلاقي الصبح ايديكي
مرفوعة السما بصلاة
بتفتح لأبواب قدامي
برزق وصحة وخير ونجاة
بينها وبين ربنا حكايات
عايشاها فى كل الأوقات
شوفت كلام ربنا ف حياتك.متوزع علي كل صفاتك
حب ورحمة
وطيبة وعفة
وعزة نفس عطاء
ومسامحة
ولا تزعل وتشيل من حد
وبتدي من غير ما تفكر
أنه ف يوم ممكن يترد
أنا يوم عيدك اقولك إيه
مهما هقول مش هقدر
أعبر
حبك اد الكون ده وأكبر
فرحة عمري
وردة عمري
واحلي هدية ف كل العمر
حتي الدنيا إن يوم خذلتني بين أحضانك بلقي الجبر
دايما ضحكة قلبك صافية وبلقي ف قربك كل الود
ربي يديمك نعمة فى عمري
وفوق عمرك عمري يتمد
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
