مساحة إعلانية
مساحة إعلانية
فين الرحمه وفين الذوق
ياللى بتحيا تبص لفوق
ناسى جيرانك
ناسى اصحابك
اللى معاهم تحكى تروق
لسه مشاعرك قاسيه عليهم
ولا بتحن غروب وشروق
ياللى بترفض ترضى أحبابك
وانت حياتك باقيه سنين
هتروح فين لو عشت لوحدك
رح تتغرب دنيا ودين
وانت مسيرك مهما تعيش
رح تقابلهم يوم الدين
تعمل إيه لو يوم تخسرهم
يبقا صبحت من الضالين
الأصحاب كنز ف دنيانا
و ف يوم الحشر نكون راضيين
الإنسان دنياه محسوبه
بالأيام لو كات ملايين
إيه رح يحصل لو يهملها
قلها ياجاحد هتروح فين ؟
لو مغرور بالصحه وفاكر
إنك عايش للأبدين
صحصح وارجع تانى لربك
بص حياتك ف إدين مين
رب الكون بيقول لك فوق
كل عمايلك سلفه ودين
فاكر إن حياتك دايمه وناسى
إن الناس كلها من طين
شوف ازاى واتعلم واقرا
جوه كتاب رب العالمين
وف تعاليمه حياتنا وديننا
مرسوم فيها بحبل متين
تعاليم ربك واضحه وسهله
دستور غالى مافيهش لاسين
ولا فيه جيم ولا حد هيشرح
المواضيع من غير تبيين
كل حقايقه صريحه مريحه
والمطلوب هنقول له ٱمين
مساحة إعلانية
مساحة إعلانية
