مساحة إعلانية
مساحة إعلانية
قذائف نار
عياط أطفال
يتامى و أمهات ثكلى
و أصوات ياما بسمعها
ليلاتي تجيني في الأحلام
أقوم مفزوعة من نومي
سامحني يارب
أنا محتاجة فعلا قلب
يستوعب قانون الغابة
و يتابع ببال مرتاح
جنون العالم القاسي
يوماتي في نشرة الأخبار
أنا محتاجة قلب أصم
ما يسمعشي أنين الورد
في الاشارات
قلب حديد ما ترعبهوش
عيون السمكة في الطاسة
قلب بليد ما يسألنيش
ليه دايما بناكل بعض
سامحني يارب
أنا عايشة مسلسل رعب
مشاهد قتل
مشاهد حرب
صراع أبدي
أنا عارفة إن له منطق
و له تفسير
صراع حتمي
ما بين الشر كالعادة
و بين الخير
أنا مش بعترض أبدا
لكني تعبت
فلو أمكن
تبدل قلبي دا بطوبة
و ترحم عقلي م التفكير
مساحة إعلانية
مساحة إعلانية
