مساحة إعلانية
مساحة إعلانية
أنا عايش كده بغني
ونظم الشعر دا فني
تقول مجنون
أنا قابل
وقيس مع ليل
دا روح مني
وبرسم صورة المحبوب
ما بين الجفن والنني
أنا عايش لخلاني
وحب الخير دا خلاني
بضي الصبح أتوضا
وصوت الشعر دا أدانى
أنا عايش كما الأوطان
غناها يسكن الوجدان
جناين خضرة ويا زهور
في ضلتها سكن وأمان
أنا راجل على قدي
وعايش من جبين كدي
ورافض العيشه في ذله
ولو كان الرغيف قدي
برغم الجرح متعري
وليل مفرود على ضلي
وحارس في المدى ذلي
أنا عايش
أنا عاشق لنور الشمس
وصوت لحبيب بيهمس همس
وصورة هالة جوايا
بتغزلها خيوط الأمس
قمر مخنوق
لكن عايش
مساحة إعلانية
مساحة إعلانية
