مساحة إعلانية
مساحة إعلانية
أثناء القراءة رجاءً نطق الحروف المشكلة فقط .
في قَلْبِ غَزَّة انْفِجَارْ
والْقَلْبِ مِشْ مَفْزُوعْ
وِإحْنَا اللي خَايْفِينْ يَا غَزَّة
وْ قَلْبِنَا مَوْجُوعْ
أنَا بَأحْسِدَكْ يَا الشَّهِيدْ..
إلْلِي اتْقَتَلْ وِارْتَاحْ
أقَلُّه قَلْبَكْ بِرِدْ
وأنَا قَلْبِي كُلُّه جْرَاحْ
اتْفَرَّجُو .. يَا بَشَرْ
بِالصُّورَه وَبَّا الصُّوتْ
لا رِمْشِ مِنْكُمْ طَرَفْ..
امِلُو عِنِيكُمْ .. مُوتْ
قَالْ السَّمُومْ للزَتُونْ :
يَا تْطَاطَي يَا تِرْحَلْ
قَالْ الزًّتُونْ : أتْحِرِقْ ..
بَسْ الجِّدُورْ تِفْضَلْ
فِدَا التُّرَابْ النَّبِيْ
مِيَّاتْ.. أُلُوفْ .. مَلايِِينْ
وَلا تِنْكِسِرْشِ الرِّقَابْ ..
تِتْكَسَّرِ السَّكَاكِينْ
يَا غَرْبْ ,, يَا أصْدِقَاءْ ..
غِيتُونَا إحْنَا فْ ضِيقْ
قَالْ التَّارِيخْ : الْعَدُو
عُمْرُه مَا يِبْقَى صَدِيقْ
يَا غَرْقَانِيْن فِي جَازْ ..
دَهَبُه مِغَرَّقْكُمْ
غَزَّة بَقَتْ مَحْرَقَه
الله يِحْرَقْكُمْ
بِحَقِّ دِينِ النَّبِي يَا أبُوحِكْمَه ..
حِكْمِةْ إيِه ؟
لَمَّا يِبِيدُو الْقِطَاعْ
صَبْرَكْ يِفِيدْنَا بْإيِه ؟
لَوْ غَزَّةْ صِبْحِتْ سَدَاحْ
وَلا طُوبَه عَلَى طُوبِه
الْحَقِّ عُمْرُه مَا رَاحْ
والعَرْكَه مَنْصُوبَه
مَا تِفْتِكِرْشِ الجِّرَاحْ
وَجَعْ ..وِحُرْقَه.. وِدَمْ
الجًّرْحِ شَمْسِ الصَّبَاحْ
تِطْلَعْ لِنَا نِتْلَمْ
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
