مساحة إعلانية
مساحة إعلانية
افرد دراعك حط راسي شوي
مين قال فراق الغالي سهل علي
افرد دراعك راسي وجعاني
وجيعه دبحاني..وخوفي من اللى جي
********************
افرد دراعك عندى ليك قوله
من غير دراعك يسند الشيله
طفى عيوني دمع فرقتنا
عاود لي لمتنا وياك ولو ليله.
********************
كف الميزان و ان يعدلوه مايل
ياما كان على كتفك شالك جميل خايل
مين قال كبير القوم يمشى بلا رجعه
يامقتل الوجعه ،ودمعي نهر سايل.
********************
مع السلامة يا كل ما ليا
حكم القدر خبل خطاويا
قهرى يا لمقدر فوق الجبين مكتوب
معدش ليا هروب من سود لياليا.
********************
مع السلامة وسيب ، روحك مع روحي
مليش غيرها طبيب ، ليطبب اجروحي
يازمزم المجاريح سقوه لوجه الله
ماليش حد سواه،فى غنوتي ونوحي.
********************
الفرح مات وياك، والضحكة واللمه
مانا قلت روحي فداك ،ونبدل القسمه
أتاريها مقسومه،والقسمه مش بايدي
مجبوره يا سيدى،امشى فى طريق عتمه.
********************
مع السلامة وروح، قلبي عليك راضي.
داللى قطم ضهرى ، مكانك الفاضي
ياابو القليب طيب ،يا محسن العشرة
عدت بلا كِشرة، يومها كما الماضي.
********************
مع السلامة وروح والجنه مأوى وبيت.
ليك بيت هناك مفتوح، ريحه كما اتمنيت
ياصاحب الخطوة فى الخير ماليها عَد.
مافيشي زيك حد، عرفته يوم ولا ريت.
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
