مساحة إعلانية
مساحة إعلانية
صلوا على اللى ف صفاته ماتخلق شكاليه
والمولى نصره على اللى بالأذى شكاليه
مين ده اللى يحمل أذى قد النبى ما احتمل
صلوا على اللى الجمل لما استجار شكاليه
......................................
إيه العلام فايدته إن كان بلا رباية
ويفيد بإيه الجمال إن كان لحرباية
ويفيد بإيه الأخو والود مش موصول
ملعون أبوه الأصول إن قل حباية
...............................
إن غاب زمان الجدعنة شمس الأصول ماتغيب
وإن تاه مابينا الوفا راجع لأنه قريب
أقرص على التربية ده احنا ف زمان العجب
من ميته زرع الأدب ياخوانا يطرح عيب
......................................
ومخالش فيك الشنب ظنك على انه خال
لممت طين البرك جبته على النخال
العقل فين ياشقى يادى النصيب العفى
يوم جبت زرع الهفى لابنك على انه خال
.......................................
دبلت هدومى أنا ما لبست غير بالى
واتبهدل الحال كنو البال غير بالى
من يوم ما زاد الطمع كنو مرض وانتشر
غربلت كل البشر ماصدقش غربالى
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
