مساحة إعلانية
مساحة إعلانية
ابن الأصول اتعذر ميلة الزمن هلكاه
جارت عليه لايام قام باع ياناس ملكاه
الدنيا جايا بقسا كرباجها يلبع لبع
لَمَا نخ يوم السبع لِقى ميت عصا ملكاه
-----------
أصرُخ أقول الأه وانتِ ماحسانى
قلبِك عليّ حجر فرحِك مانسانى
عايش الحياه بالأمل ولا مره حظى رَجع
غرقان ف بحر الوجع شطِك مارسانى
-----------
الهلس عاب ع الحُر كل الغلط مشافيه
قلبه ماراضى يروق حتى الدوا مشافيه
ماشى ف ديل حُرمتُه يلحس عشانها الترا
الشوره شورة مرا عرق الرجال مش فيه
----------
الطيبه عندى وراثه لو نار هاتلبعنى
ماانساش يوم معروف ف المحنه يتبْعنى
واللى ظلمنى وهجر خساره فيه اللوم
يفرقش عندى ف يوم ف الشده مين باعنى
مساحة إعلانية
مساحة إعلانية
