مساحة إعلانية
مساحة إعلانية
يانبع الخلود في الحياه
ياقبلة الأنوار
لو طال علينا الليل
تبقى لحياتنا نهار
بإشارة منك ياغاليه
ننسى هموم الحياه
داانتى الحياه والنور
أبدا ما يوم ننساه
واللي فى يوم يغضبك
هيكون عقابه معاه
من قلبى ياأمى
هابعتلك تحياتى
ياأمى حبك في قلبي
عشش هنا ف ذاتى
باهديكى كل الوفا
في نهارى وف ليلى
داانتى الأمان والدفا
لو شفت يوم ويلى
من قلبى بااكتب وأبعتلك
شعرى ومواويلى
بتردى فيا الروح
والسعد هيجيلى
ياما سهرتى الليالى
م القلب تدعيلى
أشكى هموم الحياه
أحكيلك وتحكيلى
ولما بافرح ياغاليه
قلبك يغنى لى
من قلبى بابعتلك
شوقى وتحياتي
المولى يرضيكى
وبفضله يرعاكى
وف جنته العاليه
غايتك ومأواكى
وكفايه رب الوجود
بعنايته يرعاكى
في السنه والقرٱن
ذكرك هناك موجود
الجنه تحت القدم
سبحانه زكاكى
ودا مين هيقدر يوفى
فضلك وعرفانك
المولى بارك خطوتك
من فضله أعطاكى
ويكون جزائك هناك
فى الجنه نلقاكى
مااحلاه نعيم ربنا
يسعدنا وياكى
مساحة إعلانية
مساحة إعلانية
