مساحة إعلانية
مساحة إعلانية
هاموت م الضحك
بكفاية
بجد هاموت
أنا من كتر ما باضحك
أمنت إني بقالي صوت
على كل النكت بضحك
و بحزن لما نكتة تموت
يا صاحبي النكتة
ميتها و هواها القلش
و اذا صدقت تكون ماسخة
و ما تضحكش
نعبي الفلسفة في نكتة
و نضحك بيها على المخاليق
على الطيب
و ع الغلبان
و دا صعيدي و دي مسطول
و دا واحد بتاع نسوان
نرش السخرية سكر على جروحنا
و نتريق على روحنا
نعيد النكتة ميت مرة
و نضحك حتى لو مُرة
أهي ضحكة و لو بالكدب
تفك جهامة الأيام
و من نكتة بنسخر فيها من روحنا
لنكتة توصل الحاكم
أنين صوتنا في قناع ضاحك
لنكتة أبيحة
تحرر رغبة مكبوتة
في أعماقنا
و ياما في النكت أحوال
سيبوني أضحك و أطلق
في الهوا صوتي
دا أنا بضحك بديل موتي
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
