مساحة إعلانية
مساحة إعلانية
كُنَّا زمااااان
لما بيحصل ظرف وواجب عند جيران
كُنَّا نطفِّي التليفزيون
كانت إيدُه بتسبق إيدنا
في قلب ماعون
حتي هدومنا
ما كانش يزعق فيها اللون
كُنَّا نشيل الحيطه ما بينَّا
ونصبح واحد في العنوان
كُنَّا زمااااان
خالطين حتي مفيش أسرار
كُنَّا بنقسم كل حاجاتنا بدون أعذار
لو يوم ضيف طبّ علي جيرانك
دون إنذار
يصبح ضيفنا وراسنا تشيله
وح نفرش له القلب مكان
كُنَّا زمان ودموعي بتنزل
توهنا برغم في نفس المنزل
رغم جيران يمشي وبيعزِّل
لا بنعرف مين اللي ح يسكُن ؟!!
أو مين ماشي ؟!
من بعد المدعو الخراسان
حَدّ يرجَّع طوبنا الأخضر
لجل يعود تاني الإنسان
مساحة إعلانية
مساحة إعلانية
