مساحة إعلانية
البحر فـرّط - كما العادة -
فى أصدافُه
تِــــد بَـــــــل زهور الوطــن
وتموت
على ضْـفافُـه
حرف الكلام زيّ القلم
مَــسـْــنـون ْ
مــــجنـُون انَـا
وانت كمان مـــــجنون ْ
إوعَــــــا تقول
" الغُـرْبـَــــة مالـْـــكانَــا
إوعَــــا تقـــول
الضحـْــك بـــكّانا
إحنا اللى بـَـــسّ العـــيون
الســـــود
بالكُـحـْـل شابْـــــكانَــا
بِـتْـمــوت بدالْــــــــنَـا
ليه
وانت صغـــير الـسِّــــــن ّ
حَــنّ الحــــجَــر
والسـّــمرا حـــالِـف قلـْــــبها
ما يْـحِـــنّ
………
كان رِيــــشَـك الـبُــــنّى
بالشّـــــعـر مِـتْــحَـــــنّى
كان قلبك الموجوع
للـجــــــرْح بِـيْــغَـــــــنّى
……
أشرف يابولاقى
الكل راح يرحل
يوم تكمل ايّامُه
و يشيل معاه فرْحُــه
مخلوط بآلامه
فاكر يا بولاقى
يوم قالت الجدّة
قالت لجدّك جدّتك
يوم مات
يوم فارق الدنيا
واتلمّـت اللمّـــات
(ماعسّــــلامة يا را س)
( يابْـعِـمّـة زايــد حــلاها )
(دا كاس دايــر على الناس )
(قِـدّامَك " البدر طــه ")
***
أشرف يابولاقى
سلّملى ع اللى هْـناك
ساعتين تقابلهم
لا تقوللى دا
ولا داك
كنت انت بولاقى
سورى ولا عراقى
فى الجنة ها يزامْــلـوك
وانت تزاملهم
دول ودّعوا الدنيا
ما شالوا منها شـىّ
لا ضلمة من ليلها
ولا من نهارها ضـىّ
أشرف يا بولاقى
ما تقولـْـش إيه جابك
ما تقولشى إيه ودّاك
حتى لو الدنيا
طول عمرها شدّاك
أشرف يا بولاقى
انتو نفدتوا خلاص
رُحـتـوا لمولاكم
دا الــــــرّكّ ع الـبـــــــاقى
مساحة إعلانية
