مساحة إعلانية
مساحة إعلانية
من أفتى وقال الحب حرام؟
الحب مودة ولوم ودلال
الحب امان وسكن وسلام
الحب وئام أصوات انغام
على دقه قلب حبيب هيمان
الحب ما لوهش زمان ومكان
ولا حتى بداية ولا نهاية
ولاتحكمه قوانين الدنيا
ولاحتى وسيلة ولا غاية
ان قلت فى يوم الحب حرام
يبقى انت بتحكم بالإعدام
على كل حبيب مقتول بسهام
بتصيب القلب فتحيى غرام
دا الحب غريزة في انسان
بيحب يعيش جواه انسان
وبكل ارادة واستسلام
يوهب له حياة
من قال الحب دا له معنى
كلمات تترص مابين اقواس
الحب دا بحر ويدرس
كبحور الشعر المروية
بدف واحساس
احتاروا فلاسفة ف تعريفه
ولا يعرف منطق يتصدق
وتصدق هزله وتخاريفه
ودا يقدر يمشى ويتخفى
ويخليك خاتم ف صباعه
وتصير درويش من اتباعه
الحب دا وعد وله أفعال
مش بس كلام مدهون زبدة
مدسوس ف نوايا الاندال
تظهرلك من اول كدبة
لو شاطر تقدر تلمحها
لو طايرة ف ديل بلبل شادي
والوصف دا أقل من العادي
لكن مش عادي انى اقولك
الحب لغات
الحب لغات كراكيب وحاجات
لو بس تقدر تتقنها
هتعيش مرتاح ف تبات ونبات
لكن لو يعصي عليك فهمه
ماتلومش يا تايه غير نفسك
لو حتى ظروفك بتنافسك
ياما ناس من غيره كانت عايشة أنفاس وخلاص
وف ناس تانيه حبت ما طالتش
لكنها عاشت حالة حب
نوع م الادمان
مكانزم دفاع ضد الهزيان
مساحة إعلانية
مساحة إعلانية
